15-vjeçari vetëvritet pasi prindërit ia morën tabletin

Një 15-vjeçar adhurues i fotografive ka bërë vetëvrasje vetëm një natë pasi prindërit ia konfiskuan të gjitha pajisjet elektrike sepse ai qëndronte zgjuar tërë natën.

Ceri Sheehan u kishte thënë prindërve se i duhej iPadi, por i dha fund jetës pak minuta para se të shkonte të flinte, ka thënë babai i tij Michael Sheehan në një seancë gjyqësore, raporton Daily Mail.

Sheehan gjeti trupin e pajetë të djalit të tij një ditë më vonë pasi kishte pranuar një mesazh nga shoku i djalit, i cili ishte shprehur i brengosur për gjendjen e tij.

Ceri kishte telefonuar shokun e tij për t’i thënë se “kishte diçka për të kryer” para se të shkonte në oborr dhe të vetëvritej, transmeton Koha.net.

Babai i tij, menaxher i projekteve, ka thënë para gjykatës se nuk kishte vërejtur diçka të pazakontë në natën e 11 qershorit të vitit të kaluar, ditën kur ai kishte gjetur trupin e pajetë.

“Mora Cerin dhe një shok të tij dhe luajtëm paintball”, ka treguar babai.

“Atë ditë ata dukeshin mirë. E pyeta Cerin nëse donte të dilnim për drekë, por kishte preferuar të qëndronte në shtëpi. Gjatë tërë mbrëmjes ai qëndroi në dhomën e tij”, ka dëshmuar ai.

Babai i konfiskoi gjitha pajisjet elektrike sepse ai dhe nëna e Cerit, Rhian Roberts, u pajtuan se metoda më e mirë që djali të shkonte në gjumë ishte konfiskimi i pajisjeve.

“Ceri na tha se do të donte ta mbante iPadin e tij”, ka thënë Sheehan.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme