Kryeministri në detyrë, Albin Kurti, ka thënë se Parku për Inovacion dhe Trajnim në Prizren do të shërbejë për lidhjen e edukimit shoqëror me tregun e punës.
Kurti mori pjesë të martën në inaugurimin e këtij Parkut dhe ai u shpreh u lumtur për këtë, megjithëse siç tha ai, po bëhet në situatë pandemie.
“Po hedhim një hap në transformimin e shoqërisë dhe të ekonomisë. Kemi Prizrenin me një kulturë dhe traditë të lashtë dhe tash po iu ofrojmë të rinjve një perspektivë. Qeveria gjermane dhe ajo e Kosovës janë të përkushtuara që të mundësojnë një gjë të tillë dhe kemi ndërmarrë veprimet për funksionalizimin e këtij parku. Qeveria jonë do të kontribuojë në marrëveshjen e 11.9 milionë eurove, e cila është në negocim e sipër mes ekipeve tona”, tha Kurti, përcjell KP-ja.
