Ambasadori ukrainas në Austri, Olexander Scherba publikoi një video në Twitter duke përshëndetur ushtarët e rënë ukrainas.
Videoja që publikoi tregon një kolonë automjetesh me ushtarë të rënë ukrainas që lëvizin nëpër qytet, të shoqëruar nga policia dhe ushtria.
Shumë ukrainas shihen duke qëndruar pranë rrugës për t’i bërë nderimet e tyre heronjve të vendit teksa gjunjëzohen ndërsa kolona kalon pranë.
Kolona me ushtarët e rënë ukrainas shoqërohet nga kënga e vjetër popullore ukrainase “Plyve kacha” e cila ndjek bisedën e një nëne e djalit që shkojnë në luftë.
Gjatë viteve të kaluara, kjo këngë u bë himn për ukrainasit që janë pro-ukrainas dhe jo pro-rus.
Natyrisht, nuk ka asnjë analizë të pavarur për numrin e ushtarëve të vrarë ukrainas dhe rusë.
Të dyja palët kanë publikuar të dhëna zyrtare për ushtarët e vrarë vetëm dy deri në tre herë dhe supozohet se ka mijëra të vdekur. /Telegrafi/
