Alarmi: 23 milionë afganë nën kthetrat e urisë, muajt e ardhshëm do të jenë katastrofikë

Afganistani është një vend që ka filluar të ndjejë frikën e vërtetë të urisë. Moti po kthehet, nga ngrohtësia e fillimit të vjeshtës në një të ftohtë të fortë. Disa zona raportojnë thatësirë, e cila shton ndjenjën e katastrofës në rritje.

Në Maidan Wardak, 50 milje në perëndim të Kabulit, një turmë prej disa qindra burrash ishte mbledhur me shpresën për të marrë miell nga një pikë zyrtare e shpërndarjes. Mielli u sigurua nga Programi Botëror i Ushqimit.

Ushtarët talebanë e pëembajtën turmën në mënyrë të arsyeshme të qetë, por njerëzve që u thanë se nuk kishin të drejtë të merrnin diçka, ishin të zemëruar dhe të frikësuar.

“Dimri thuajse ka ardhur,” tha një plak. “Nuk e di se si do ta kaloj atë nëse nuk mund të bëj bukë”.

Programi Botëror i Ushqimit përballet me nevojën për të rritur furnizimet në Afganistan për të ndihmuar më shumë se 22 milionë njerëz.

Nëse moti është aq i keq sa ekspertët parashikojnë këtë dimër, pritshmëria është që një numër i madh i njerëzve do të kërcënohen nga uria në masë.

BBC foli me drejtorin ekzekutiv të ËFP, David Beasley, kur ai bëri një vizitë në Kabul të dielën.

Analiza e tij për situatën ishte alarmante.

“Është aq keq sa nuk mund ta imagjinoni,” tha zoti Beasley. “Në fakt, ne tani po shikojmë krizën më të keqe humanitare në Tokë.

“Nëntëdhjetë e pesë për qind e njerëzve nuk kanë ushqim të mjaftueshëm dhe tani po shohim 23 milionë njerëz që marshojnë drejt urisë”, shtoi ai. “Gjashtë muajt e ardhshëm do të jenë katastrofikë. Do të jetë ferr në Tokë.”

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme