Facebook është duke përjetuar probleme serioze, ndërsa mijëra përdorues kanë raportuar të mos kenë arritur të kycen në llogaritë e tyre.
Disa përdoruesve u është thënë se faqja është duke u riparuar, ndërsa përpiqeshin të kyqen.
Down Detector, një faqe që përcjell aktivitetin e internetit, ka vërejtur se ka një rritje të përdoruesve që nuk kanë pasur qasje në Facebook.
Shumica syresh kanë pasur bllokadë totale, që do të thotë se faqja nuk u është hapur fare, duke mos arritur pra as tek dhënia e kredencialeve.
Probleme kanë raportuar edhe disa përdorues të Instagram, që është në pronësi të Facebook, ndërsa një njoftim zyrtar nga rrjeti më i madh social ende nuk ka.
