Huawei P20 dhe P20 Pro pritet të zbulohen brenda javës, por versioni tjetër Lite nuk mund të presë më gjatë. Pasi hyri në para-shitjet javën e kaluar, telefoni i dedikuar për tregun kinez i quajtur Huawei nova 3e është lansuar.
Huawei nova 3e, ndryshe P20 Lite, vjen me ekran 5.84-inç IPS LCD me rezolucion prej 1080 pikselë, trup nga metali, procesor Kirin 659 me tetë bërthama A53, grafikën Mali-T830 dhe 4 GB RAM memorie, transmeton Koha.net.
Gjithashtu, nova 3e vjen me kamerën kryesore të dyfishtë prej 16 + 2 megapikselë dhe atë të përparme prej 24 megapikselë (të cilën e ka huazuar nga Sony – IMX576).
P20 Lite/nova 3e ka skanerin për gishta në pjesën e pasme, portin për kufje dhe ofron FM radion. Bateria e tij është 3,000 mAh dhe ofron mbështetje për karikim të shpejtë.
Para-porositë në Kinë tashmë kanë filluar, ndërsa dërgesat e para do të arrijnë më 27 mars. Po ashtu, nova 3e është në dispozicion me ngjyrë të zezë, të kaltër, ari dhe rozë-ari. Modeli me 64 GB memorie të brendshme kushton rreth 316 dollarë, ndërsa ai me 128 GB rreth 348 dollarë.
