Manchester United e ka shënuar fitoren e radhës në elitën e futbollit anglez.
“Djajtë e Kuq” triumfuan 2:1 në shtëpi ndaj Crystal Palace në kuadër të javës së 22-të në Premierligë.
Bruno Fernandes i kaloi vendasit në epërsi në minutën e shtatë, kur realizoi nga penalltia.
Epërsia u dyfishua në minutën e 62-të nga Marcus Rashford.
Casemiro u ndëshkua direkt me karton të kuq në minutën e 70-të, duke ia vështirësuar gjërat ekipit të tij.
Crystal Palace shënoi në minutën e 76-të, por nuk pati fuqi për ta barazuar rezultatin.
Me këtë fitore, Manchester United shkon në kuotën e 42 pikëve në vendin e tretë.
