Vitin e kaluar, me rastin e prezantimit të iPhone 7, Apple është larguar nga tradita, pasi nuk pati dizajn të ri radikal.
Për këtë arsye kompania planifikon që në dy vitet e ardhshme të kompensojë këtë lëshim, shkruan Nikkei.
Apple në vitin 2018 pritet të prezantojë tre iPhone të ri me ekrane OLED, pasi që tash dizajnuesit e kompanisë tashmë kanë nisur punën.
Pasi që mungesa e ekraneve OLED të Samsungut aktualisht çrregullon planet e Apple për prodhimin e iPhone 8, ku pritet të vonohet dërgesa për 3-4 milionë njësi, kompania me siguri se do të nisë bashkëpunimin me Foxconn’s Sharp, i cili ndërkohë ka shtuar prodhimin e këtij komponenti.
