“Pogba ka nevojë për më shumë dashuri për të shkëlqyer te United”

Paul Pogba ka nevojë për pak më shumë dashuri për të shkëlqyer te Manchester United, sipas ish-shokut të skuadrës së tij, Patrice Evra. Fituesi i Kupës së Botës me Francën, Paul Pogba kërkohet me ngulm nga Real Madridi i Zinedine Zidane. Megjithatë, Ole Gunnar Solskjaer insiston se “nuk kam asnjë dyshim” se lojtari do të qëndrojë në “Old Trafford”, pavarësisht se raportohet se mesfushori gjithashtu është duke insistuar që të transferohet në “Santiago Bernabeu”. Sido që të jetë, tani Evra tha se për të dhënë më të mirën me fanellën e Unitedit, Pogba ka nevojë për më shumë mbështetje nga të gjithë, teksa nuk di asgjë se çfarë do të ndodhë me të. “Nuk e di të ardhmen e Pogbas. Ajo çka di është se në Juventus është ndier shumë i dashur, i rëndësishëm. Ai nuk e ndjen atë dashuri edhe në Manchester”, tha Evra për Daily Mail. Ai theksoi se lojtarët vlerësohen nga paraqitjet e tyre. “Gjithmonë harrojmë se çfarë lojtari është. Lojtarët vlerësohen në bazë të paraqitjeve në fushë. Vrisni atë nëse nuk luan mirë, por kur luan mirë duhet të koncentroheni në atë. Kur ju bleni vetura luksoze dhe shtëpi të mëdha, do të krijoni urrejtje dhe xhelozi kështu që duhet të bëni hap para në lojën tuaj dhe të siguroheni që të mos ndikoi kjo te ju. Çfarë mund t’i them Pogbas: bëj çfarëdo që dëshiron, por nëse e sheh se ajo gjë po ndikon në lojën tënde, ndalu. Mos tento të jesh luftëtar, ndalo”, shtoi ai. Pogba e mbylli sezonin 2018/19 me 16 gola dhe 11 asiste në 47 paraqitje, por jo mjaftueshëm për tifozët e “Djajve të Kuq”, që vazhdimisht e kanë kritikuar.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme