Klubi shqiptar nga Maqedonia, Shkëndija, ka mposhtur Mlada Boleslavin me rezultat 2 me 0 në ndeshjen e parë të raundit të tretë kualifikues për Europa Ligë.
Shkëndija fitoi 2 me 0 falë golave të Stenho Juniorit dhe Besart Ibraimit. Golat u shënuan në minutat 69 dhe 75-të.
Çekët ishin pa një lojtar në fushë që nga minuta e 52-të, pasi Lukas Hulka u ndëshkua me të kuq.
Ndeshja e kthimit zhvillohet në javën e ardhshme.
