Ylli i Monacos, Kylian Mbappe mund t’i bashkohet Real Madridit gjatë kësaj vere
E përditshmja sportive franceze “L’Equipe” raporton se trajneri i Real Madridit, Zinedine Zidane ka biseduar me yllin e ri të Monacos, Kylian Mbappe.
Thuhet se strategu francez do të mundohet që ta bind lojtarin që t’i bashkohet kampionit të Spanjës dhe Evropës gjatë kësaj vere, përcjell Express.
Mbappe, i cili ka kontratë me Monacon deri në vitin 2019, ka shkëlqyer këtë sezon në Ligue 1 dhe Ligën e Kampionëve.
Pas paraqitjeve të mira, ylli i ri i Francës ka zgjuar interesimin e skuadrave të mëdha evropiane. Por, Real Madridi është ekipi më aktiv që po punon në transferimin e Mbappes.
Pritet të shihet deri në fund të afatit kalimtar të verës nëse Los Blancos do ta transferojnë apo jo 18 vjeçarin. /Express/
