Samsung dhe Apple me vite kanë mbajtur primatin në tregun e telefonave, por siç duket tash një gjë e tillë ka ndryshuar.
The Economic Times raporton se Huawei ka tejkaluar Apple në shitjen globale. Këtë e ka konfirmuar Allen Wang, drejtor i qendrës së prodhimit në divizionin Huawei India.
“Huawei ka tejkaluar Apple në shitjen globale gjatë dhjetorit të vitit të kaluar”, ka thënë ai, transmeton KosovaPress.
Sipas Wang, pjesëmarrja e kompanisë Huawei në dhjetor 2016 ishte 13,2% në shkallë globale, ndërsa Apple kishte rreth 12%.
Pa dyshim, këto janë lajme të shkëlqyeshme për Huawei dhe rezultatet mund të shërbejnë si inspirim edhe për prodhuesit tjerë kinezë, të cilët kërkojnë mënyrën që në treg të tejkalojnë prodhuesit e njohur.
