E shtune, 05 Nentor 2016 – Sakte.net /
Bordi i Agjencisë Kosovare të Privatizimit ka shkarkuar bordin mbikëqyrës të ndërmarrjes shoqërore “Boksitet e Kosovës”, e cila ndodhet nën administrim të drejtpërdrejt të AKP-së .
Sipas njoftimit nga kjo agjenci, bordi është shkarkuar për shkak të keq menaxhimit të ndërmarrjes. Ndërsa është marrë vendim që menaxhmenti i AKP-së të caktoj një menaxher të përkohshëm për këtë ndërmarrje.
“Boksitet e Kosovës” është njëra nga ndërmarrjet më të mëdha të përpunimit minerar në Kosovë. Sipas të dhënave, nga fundi i viteve `60 deri në fillim të viteve ’90 janë shfrytëzuar 3 milionë e 255 mijë e 615 tonë boksite, pasi prodhimi më i madh kalonte 10 mijë tone në vit. /Insajderi.com
