E mërkurë, 02 Nentor 2016 – Sakte.net
Arban Abrashi thotë se nga Buxheti ka kursyer afër 10 milionë euro, duke ndalur pensionet për ata njerëz që nuk janë banorë të përhershëm të Republikës së Kosovës.
Ministri i Punës dhe Mirëqenies Sociale, Arban Abrashi, thotë se Ministria e që ai drejton ka arritur për një periudhë të shkurtër të kursejë nga buxheti i shtetit afër 10 milionë euro, duke ndalur pensionet për ata njerëz që nuk janë banorë të përhershëm të Republikës së Kosovës.“Në janar të vitit 2015 nxorëm udhëzimin administrativ me të cilin definohen procedurat e aplikimit për pensione. Në këtë udhëzim sqarohet se pensioni bazë u njihet vetëm atyre personave që janë banorë të përhershëm të Republikës së Kosovës dhe normalisht që kanë arritur moshën 65 vjeçare”, ka shkruar Abrashi në Facebook.
Abrashi ka thënë se numri i përfituesve të pensionit bazë në vitin 2015, që ka filluar me 126 mijë e 113 pensionistë (janar) dhe me rritjen natyrore numri i përfituesve në dhjetor 2015 ka arritur në 132 mijë pensionistë.
