Ministria për Punë të Brendshme (MPB) edhe gjatë ditës së djeshme (07.06.2023) ka vazhduar me kontrolle të shtuara në trafik, me çrrastë janë regjistruar 124 shkelje.
“Në territorin e qytetit të Shkupit janë shqiptuar gjithsej 124 gjoba, nga të cilat 14 për tejkalim të shpejtësisë, 11 për drejtim të automjetit pa patentë shoferi, dy për kundërvajtje nga drejtuesit e motoçikletave. Janë shqiptuar dy masa për përdorim të celularit gjatë drejtimit të automjetit, tri masa për kalim në semaforë të kuq, tri masa për mosvënien e rripit të sigurisë, tri masa për tejkalim të paligjshëm të automjeteve, nëntë masa për automjete me defekte teknike dhe të paregjistruara”, njoftojnë nga MPB-ja.
