Një aksion është duke u zhvilluar nën udhëheqjen e një prokurori nga Departamenti i Specializuar për Oficerët e Policisë, njoftoi Prokuroria Publike e Republikës së Maqedonisë.
Raportohet se në Koçan dhe Shtip, sonte u ndaluan 13 persona, përfshirë shefa dhe oficerë policie që ishin në detyrë natën kur ndodhi zjarri në diskotekën “Puls” në Koçan. Të ndaluarit ishin T.D. (shefi i policisë kriminale), D.P. (drejtues turni natën kur ndodhi aksidenti), M.M. (shefi i Drejtorisë së Punëve të Brendshme të Koçanit), K.J. (shefi i krimit ekonomik në Stacionin e Policisë së Koçanit), si dhe M.R. (një oficer policie që ishte në detyrë natën e aksidentit).
Në zjarrin në diskotekën “Pulse” në Koçan që ndodhi natën e 16 marsit, vdiqën 62 persona dhe rreth 200 u Lënduan.
Prokuroria gjatë ditës së nesërme do të del me informata më të hollësishme.
Nën udhëheqjen e Prokurorisë për Krim të Organizuar dhe Korrupsion, janë ndaluar mbi 10 shefa policie dhe oficerë policie aktualë që ishin në detyrë natën e 16 marsit 2025, kur ndodhi tragjedia e tmerrshme në diskotekën “Pulse”, në të cilën 62 të rinj u dogjën për vdekje dhe mbi 200 u plagosën.
Sipas informacioneve jozyrtare, drejtuesit dhe oficerët e policisë janë nga SPB Shtip dhe Stacioni i Policisë së Koçanit.
