Sektori për Punë të Brendshme Shkup edhe gjatë ditës së djeshme (25.05.2023) ka vazhduar me kontrolle në fushën e komunikacionit.
Në territorin e qytetit të Shkupit janë shqiptuar gjithsej 196 masa, nga të cilat 66 për vozitje mbi shpejtësinë e lejuar, 13 masa për drejtim mjeti pa patentë shoferi, gjashtë sanksione për drejtim mjeti nën ndikimin e alkoolit.
Janë shqiptuar tetë masa për përdorim të celularit gjatë drejtimit të automjetit, 15 masa për rirreshtim të paligjshëm, gjashtë sanksione për kalim të sinjalit të mbyllur – semafor i kuq…
“Kontrollet në komunikacion do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thuhet në njoftimin e MPB-së. /Alsat.mk
