Një skandal ka ndodhur në një shkollë 9-vjeçare në fshatin Kozare të Kuçovës. Drejtori i shkollës ka ngacmuar seksualisht 3 nxënëse.
Janë pikërisht 3 vajzat të cilat kanë bërë denoncim në polici ndaj drejtorit të shkollës.
Burime nga policia e Beratit thanë se 3 nxënëset kanë shkuar së bashku me prindërit e tyre për të bërë kallëzimin penal me akuzën e ngacmimit seksual, raporton “Syri”.
Pas denoncimit, policia mësohet se ka bërë edhe ndalimin e drejtorit të shkollës 9-vjeçare.
Mësohet se i ndaluari është Ajaz Ajazi, 63 vjeç i cili prej disa vitesh ishte drejtor i shkollës.
Sipas policisë ngacmime seksuale dyshohet se kanë ndodhur gjatë 3 muajve të fundit.
