Numri i pacientëve që po trajtohen nga koronavirusi në Klinikën Infektive të QKUK-së po bie nga dita në ditë.
Nga raporti i mëngjesit të sotëm, bëhet e ditur se në këtë klinikë aktualisht janë të hospitalizuar 48 raste me koronavirus, shkruan lajmi.net.
Nga ky numër i përgjithshëm 35 raste janë në gjendje stabile, 12 në trajim me oksigjenoterapi dhe përkujdesje intensive.
Ndërsa në mjekimin intensive është një pacient i cili është në gjendje kritike.
Raporti i plotë:
Në klinikën Infektive të Qendrës Klinike Universitare të Kosovës( QKUK), sot me 23.04.2020, janë të hospitalizuar gjithsej 58 raste.
Prej tyre të sëmurë me Covid-19, janë gjithsej 48 raste.
Gjendja e pacientëve të sëmurë me Covid -19 është si vijon:
35 raste janë në gjendje stabile, 12 raste janë në trajtim me oksigjenoterapi dhe përkujdesje intensive.
Në mjekimin intensiv ndodhet një pacient i cili eshtë në gjendje kritike, në ventilim mekanik dhe përkujdesje intensive.
Sot, do të lirohen nga klinika 6 raste të shëruar nga infeksioni me Covid -19.
