5 vite burg ka vendosur Gjykata e Vlorës për Ilirjan Pajon, i cili u filmua teksa dhunonte me shkelma në mes të rrugës ish-bashkëshorten e tij, në sy të dy fëmijëve.
44-vjeçari, Pajo pas arrestimit e quajti momentale dhunën ndaj ish-gruas. Edhe gjatë seancës dhe marrjes në pyetje, Pajo pranoi se ishte takuar me ish-gruan e tij Marsela Caushaj disa herë, madje edhe duke konsumuar kafe.
Ai u akuzua për veprën penale “dhunë në familje” dhe vendimi u shpall sot nga gjyqtari Laurent Fuçia.
