Ish-presidenti amerikan Barak Obama ka paralajmëruar që përdorimi i mediave sociale në mënyrë të papërgjegjshme duhet të kundërshtohet, gjatë një interviste të rrallë që nga janari kur i ka përfunduar mandati presidencial.

Ai paralajmëroi se veprime të tilla po shtrembërojnë kuptimin e njerëzve për çështje komplekse dhe përhapjen e keqinformimit. “Të gjithë ne në udhëheqje duhet të gjejmë mënyra në të cilat mund të krijojmë një hapësirë të përbashkët në internet,” tha ai.

Ish presidenti shprehu shqetësim për një të ardhme ku faktet hiqen dhe njerëzit lexojnë dhe dëgjojnë vetëm gjërat që përforcojnë pikëpamjet e tyre.

Obama sugjeroi që kontaktet ballë për ballë të ndihmonin në kundërshtimin e pikëpamjeve ekstreme, raporton “BBC”, transmeton Periskopi.

“Mediat sociale janë një mjet vërtet i fuqishëm për njerëzit me interesa të përbashkëta që të thërrasin dhe të njihen me njëri-tjetrin dhe të lidhen,” tha Obama.

Cilat ishin presionet për të qenë president? “Është sfiduese në shumë mënyra. Pra, është një sakrificë që mendoj se të gjithë duhet të jenë në paqe kur vendosin të hyjnë në politikë. Por, në fund të fundit mendoj se shpërblimet për të sjellë ndryshime pozitive në këtë botë e bëjnë të vlefshme”.

Ai citon Obamacare – sigurimin e më shumë njerëzve që mund të përballojnë kujdesin shëndetësor bazë – si një arritje e madhe. “Sa bekim i madh është të thuhet se 20 milionë amerikanë kanë sigurim shëndetësor që nuk e kanë pasur më parë”.

Si e sheh të ardhmen? Pa hedhur poshtë problemet me të cilat ballafaqohet bota, ai mbetet një optimist.

“Nëse marrim përgjegjësinë për t’u përfshirë në fatin tonë, nëse marrim pjesë, nëse merremi, nëse flasim, nëse punojmë në komunitetet tona, nëse jemi më vullnetarë, atëherë të gjitha problemet me të cilat përballemi zgjidhen pavarësisht nga lajmet e tmerrshme që i shihni”.

“Unë nuk kam bërë shumë intervista por kjo ishte mjaft zbavitëse, sidomos duke intervistuar Presidentin Obama pavarësisht nga fakti që ai donte për të më intervistuar mua”, tha Princ Harry./Periskopi/