Një recetë e shpejtë dhe e lehtë për t’u përgatitur, me shije mbresëlënëse.
Përbërësit për 4 persona:
▪ 450 g gjoks pule (pa eshtra),
▪ 100 g miell,
▪ 2 limonë,
▪ 2 lugë të vogla vaj ulliri ekstra virgjin,
▪ 100 ml supë pule,
▪ 2 lugë të vogla gjalpë,
▪ 2 hudhra,
▪ 1 lugë të vogël kripë,
▪ 1 lugë të vogël piper,
▪ majdanoz të freskët.
Përgatitja:
Ngrohni furrën në 200 gradë. Në enë përzieni miellin, kripën, piperin dhe korën e një limoni.
Qiteni në enë gjoksin e pulës të prerë në formë bërxollash dhe rrotulloni derisa sipërfaqja të bëhet e mbuluar në tërësi me përzierjen e miellit dhe erëzave.
Priteni një limon në feta.
Në një tigan më të madh dhe në temperaturë mesatare ngrohni vajin e ullirit.
Shtoni mishin e pulës dhe fërgojeni rreth pesë minuta derisa njëra anë të marrë ngjyrë ari-të gështenjtë.
Rrotullojeni gjoksin e pulës, qitni supën e pulës, gjalpin, hudhrën dhe fetat e limonit.
Futeni mishin e pulës në furrë dhe piqeni edhe 10 deri 15 minuta.
Shërbejeni me salcën nga tigani dhe sipas dëshirës pak majdanoz të grirë.
