Me urdhër të presidentit të Filipineve Rodrigo Douterte, më shumë se 20 vetura luksoze të konfiskuara janë shkatërruar të martën në këtë shtet.
Kjo është pjesë e strategjisë së Duterte kundër krimit dhe korrupsionit. Ai personalisht e mbikëqyri shkatërrimin nga një buldozer, përcjell gazetametro.net.
“Jepni ato te blerësit e hekurit. Ata nuk mund të kenë vetura të tilla, por ata mund të marrin diçka prej tyre. Bëjini lodra prej tyre”, tha Duterte.
Veturat u kapën në vepër nga zyrtarët e doganave dhe pronarët u akuzuan për shmangie nga taksat. Vitin e kaluar, u kapën vetura në vlerë rreth 3 milionë euro.
“Dëshironi të importoni vetura? Së pari paguani taksat. Që tani e tutje, do të bëhet një praktikë për të shkatërruar automjetet luksoze të kontrabanduara”, tha Duterte. /gazetametro.net
