Karabinierët italianë arrestuan 18 persona, 16 prej të cilëve shqiptarë dhe dy italiane pas një hetimi për vjedhje dhe grabitje me pasoja të rënda në zonën e Kazertës.
Hetimet kanë nisur që më 2015, pas një grabitjeje të dhunshme në një banesë në Liberi.
Episodi më i përgjakshëm i këtij grupi ka ndodhur më 16 maj 2017 gjatë një vjedhje në një shtëpi. Një nga shqiptarët, duke parë veten në rrezik, qëlloi mbi policinë.
Grupi vepronte gjithmonë i armatosur dhe grabitësit përdornin rroba të zeza dhe maskoheshin për të humbur gjurmët.
Mbi të akuzuarit rëndojnë pesë grabitje dhe 34 vjedhje.
