Policia rajonale e Prizrenit ka njoftuar se ka sekuestruar një armë të një nxënësi të shkollës së mesme të ulët “Naum Veqilharxhi” në Krushicë, i cili po shkonte në klasë me të.
Fillimisht drejtori i shkollës e ka lajmëruar nxënësin te prindërit e nxënësit, të cilët e kanë marr armën në shtëpi.
Pas një jave, policia ka shkuar te shtëpia e nxënësit, ku prindërit kanë dorëzuar pastaj armën me 23 fishekë.
Lexoni njoftimin e plotë:
Dje, Policia e Suharekës ka shkuar në fshatin Mohlan për ta sekuestruar një armë ilegale tek një i dyshuar pasi kishin rrjedhur informacione të cilat bënin me dije se me datën 16 mars, një nxënës i Shkollës Fillore e Mesme e Ulët “Naum Veqilharxhi” në Krushicë kishte bartur me vete një pistoletë të llojit CZ M-67 me pesë fishekë. Sipas hetuesve që janë marrë me hetimin e rastit thuhet se: pasi drejtori i shkollës ka kuptuar për armën e ka thirr prindin e nxënësit dhe të njëjtën ia ka dorëzuar me ç’ rast prindi armën e ka marrë me vete në shtëpi.
Ndërkaq, pas një jave, pasi që policët i kanë trokitur në derë për ta kërkuar armën, i dyshuari në mënyrë “vullnetare” e ka dorëzuar të njëjtën me 23 fishekë të kalibrave të ndryshëm. Me urdhër të prokurorit të shtetit rasti procedohet sipas procedurës së rregullt ndërsa hetuesit po punojnë për zbardhjen e rrethanave dhe përgjegjësisë për secilin që është i përfshirë në rast.
