Policët e Kosovës kanë shkuar në detyrë në kufirin në veri të Kosovës, ashtu siç kanë qenë të caktuar me detyrë zyrtare.
Kështu ka njoftuar Baki Kelani, zëdhënës i policisë së Kosovës, pas raportimeve se serbët kishin bllokuar rrugën në fshatin Rudare të Zveçanit, duke ia pamundësuar shkuarjen në punë policëve dhe doganierëve.
Përpos policëve, edhe doganierët kanë shkuar në dy pikat në veri të vendit pa ndonjë problem, raporton KTV. Zëvendësimi i ekipeve atje është bërë sipas orarit të paraparë.
