I ftuar në emisionin ClickPlus ishte kryetari i Lëvizjes BESA, Bilall Kasami, i cili përballë analistëve Lirim Dullovi, Imer Ismaili dhe Ismet Ramadani shpalosi platformën e kësaj BESËS – Ridefinimin.
Kasami ka thënë se jo me çdo kusht BESA do të jetë në qeveri. Ajo do të pranojë pjesë vetëm kur të plotësohen kërkesat e kësaj Lëvizje, siç është platforma për RIDEFINIMIN e shtetit të Maqedonisë. Në rast të mospranimit të kësaj kërkese nga pala maqedonase, Kasami ka lënë të nënkuptohet se BESA do të jetë në opozitë dhe nuk e ka përjashtuar mundësinë e radikalizimit të veprimeve për arritjen e synimeve që shqiptarët të jenë popull me të drejta të barabarta në Maqedoni.
Ai ka thene se askush nuk mund ta arrestoje ndonje shqiptar me procese te montuara gjyqesore pa e terhequr se pari ate si kryetar bashke me tere anetaresine.
“Nëse ky popull don burrështetas që do ti shantantazhojnë bijat, motrat dhe gratë tona të punësuara në institucionet shtetërore, le ta votojnë BDI – në e jo neve, sepse për ne është i shenjtë morali i gruas, i familjes. Nëse ky popull don që cdo vit të ketë Sopot, Brodec, mos të na votojë neve, le ta votojë BDI – në sepse ne këtë nuk do ta lejojmë kurrë më të ndodh me shqiptarët e Maqedonisë”, ka thënë Kasami.
