Sipas të dhënave të SHBA, qeveria serbe ka paguar gjithsej 800,000 dollarë nga 2006 në 2008 për Barbur, Griffith dhe Rogers.
Me një grup prej “Tridhjetë pikash strategjike”, kontrata u nënshkrua në vitin 2008, për 42,000 dollarë në muaj, ose një total prej rreth një milion dollarë, të paguara gjatë angazhimit.
Tre vjet më vonë, është nënshkruar një kontratë me të famshmen “Podesta Group” 100,000 dollarë në muaj, ose në total prej 900,000 dollarë të paguara, transmeton lajmi.net.
Ministri i Jashtëm serb, Ivica Daçiq megjithatë vuri në dukje se “Podesta” vetëm disa muaj më vonë nënshkroi kontratë me Prishtinën, për sic thotë ai, të punonte drejtpërdrejtë kundër interesave të Serbisë.
Drejtori ekzekutiv i Shoqërisë së Lobimit të Serbisë, Zoran Domazet ka thënë se Prishtina filloi lobimin shumë herët, se ata kishin lobistë profesionistë dhe të vazhdueshëm, rrethanat gjeopolitike të të cilave kishin shkuar keq.
Prandaj, sipas tij, Serbia ka një hapësirë të ngushtë për operacionin tani:
“Megjithatë, vendi ynë duhet të investojë në lobim për të përmirësuar pozicionin e tij, para së gjithash në Amerikë. Lobimi zakonisht bëhet përmes donacioneve të Partisë Republikane dhe Demokratike dhe kontakteve me kongresmenët”, ka thënë ai.
Kujtojmë, se Serbia ka filluar lobimin intensiv kundër Koosvës qe 10 vjet, dhe tani ka marrë masa urgjente për të lobuar në ato vende që nuk e kanë njohur, por edhe në ato vende që e kanë njohur pavarësisë e Kosovës, për të tërhequr njohjen
Vetem sot u raportua se ministrat serbë kanë dhënë udhëzime se nëpër takime me homologët e tyre të jashtëm të adresojnë sa më shumë problemet e Kosovës, e në veçanti të zhvillojnë sa më shumë takime me zyrtarët e vendeve të cilat janë gati ta tërheqin njohjen e Kosovës.
Kjo masë është pjesë e ofensivës diplomatike të Serbisë që ka për qëllim zvogëlimin e numrit të vendeve që e kanë njohur Kosovën, transmeton lajmi.net.
Shumica e anëtarëve të Qeverisë serbe në mënyrë aktive kanë lobuar kundër Kosovës, mirëpo tani kanë rënë dakord të intensifikojnë veprimin dhe është nda një shumë e majme e fondeve për lobim.
Ndërsa, personi kryesorë që është super aktiv me planet e tij ndaj lobim kundër Kosovës, ministri i Jashtëm, Ivica Daçiq ka thënë se tani për tani Serbia nuk ka kontratë me asnjë agjenci lobuese, andej duhet një aktivizim urgjent për “provincën tonë jugore
