Pas një hetimi që kishte nisur që në korrik të një viti më parë, policia italiane ka bërë të mundur kapjen e një bande shqiptare.
Ata janë anëtarë të një familje, të cilët janë kapur falë përgjimeve, teksa flitej për drogë.
Nënë e bir janë kapur duke u shitur drogë disa minorenëve. A. Lisi, 40-vjeç dhe djali i saj 23-vjeçar, H. Lisi, kanë shitur doza kokaine, marijuane dhe hashashi. Në biznesin e tyre, ata kishin përfshirë edhe dhëndrin rumun, Daniel Valentin Ungureanu, 28-vjeç, i cili gjithashtu u arrestua.
Në harkun kohor të dy viteve, kjo familje kishte blerë dy shtëpi, një sipërfaqe toke dhe një makinë. Pronat e tyre u sekuestruan nga policia italiane, vlera e të cilave shkon në 200 mijë euro.
