Edhe një rast i shënjestruar për procesin e liberalizimit të vizave ka përfunduar pa aktgjykim dënues.
Ilir Tolaj, ish-sekretar i Ministrisë së Shëndetësisë është zyrtari i radhës, të cilën këtë të mërkure Gjykata Themelore e Prishtinës e ka liruar nga akuzat për korrupsion, shkruan sot Koha Ditore.
Lirimi i tij, si dhe i bashkë të akuzuarve të tjerë, sipas vlerësimit të gjykatës ka ndodhur për shkak të mungesës së provave. I njëjti arsyetim është dhënë edhe para disa ditësh kur u lirua ish-kryetari i Gjykatës së Apelit, Sali Mekaj, i cili ka qenë i akuzuar për korrupsion dhe rasti i tij po ashtu është i shënjestruar.
