Marko Djuric do të vizitojë sot Kosovën, ku do të qëndrojë në Mitrovicën e Veriut dhe disa komuna tjera të banuara me serb.
Jetlir Zyberaj, këshilltar i ministrit të Jashtëm Behgjet Pacolli, ka thënë se drejtori i të ashtuquajturës zyrës për Kosovën në Qeverinë e Serbisë, Marko Gjuriq të mërkurën do të qëndrojë në Kosovë.
Zyberaj tha shkurt se Marko Djuric ka kërkuar leje dhe këtë e ka marrë nga shteti i Kosovës.
“Marko Djuric ka marrë leje për të hyrë në Kosovë. Ai i ka plotësuar të gjithë kriteret dhe ne i kemi dhënë leje për të hyrë në Kosovë”, tha Zyberaj, për Radion Evropa e Lirë.
Djuric kishte hyrë ilegalisht në territorin e Kosovës më 26 mars të këtij viti, duke mos respektuar institucionet e Kosovës.
Ai ishte arrestuar nga Policia e Kosovës dhe më pas ishte dërguar në Serbi.
