Popullsia e Shqipërisë ra me 0.3% si pasojë e migrimit prej rreth 15 mijë vetësh, sipas vlerësimeve të Institutit të Statistikave, ku popullsia banuese e meshkujve ra me 0.6% ndërsa ajo e femrave u rrit me 0.1%.
Sipas vlerësimeve të INSTAT, popullsia banuese më 1 janar 2019 ishte 2.86 milionë banorë.
Të gjitha qarqet e vendit me përjashtim të Tiranës dhe Durrësit pësuan rënie të popullsisë, ku rënia më e madhe vërehet në Gjirokastër me 2.4% dhe në Berat me 1.8%. Popullsia e Qarkut Tiranë u rrit me 1.3% ose me 11 mijë vetë, ritmi më i ulët i shënuar në shumë vite.
Statistikat e INSTAT janë të pjesshme dhe përbëjnë një vlerësim të situatës duke marrë parasysh popullsinë e censusit të vitit 2011, lindjet dhe vdekjet si dhe një vlerësim mbi shkallën e migrimit neto.
