Ai ishte një nga fotografët më të vlerësuar në botë. Bëhet fjalë për grekun Yannis Behrakis. Në kameran e tij janë fiksuar disa nga momentet më të rëndësishme të dekadave të fundit.
Por të shtunën, ai u shua në moshën 58-vjeçare pas një beteje të gjatë me kancerin.
Fotografi i njohur ka sjellë për botën imazhet e dy dramave të mëdha shqiptare: atë të vitit 1997 në Shqipëri dhe dy vjet më vonë atë të luftës në Kosovë.
Në vitin 2016 ai fitoi çmimin Pulitzer. Behrakis la pas gruan, vajzën dhe djalin.
Më poshtë do gjeni disa prej fotove që ka bërë ai në vitin 1997 në Shqipëri dhe në vitin 1999 në Kosovë.
