Shqipëria është vendi me nënat më të reja të Evropës, madje shumica prej lindjeve kryhen në adoleshencë. Kështu tregon raporti i fundit i Eurostat, transmeton Gazeta Metro.
Mosha mesatare e nënave, për herë të parë në Shqipëri është 26-vjeç, më të rejat në Evropë, së bashku me Bullgarinë.
Materniteti “Koço Gliozheni” në Tiranë është nga më të mëdhenjtë në vend.
“Në maternitetin tonë kryhen rreth 4.000 lindje në vit. Nga këto, rreth 900, pra 20-23% e tyre i përkasin grupmoshës 15-24 vjeç. Unë pata rastin e një vajze 16-17-vjeçare pak kohë më parë, e imët ishte. Këshilla jonë, si mjekë specialistë, është më se e prerë: Duhet patjetër të kërkojmë që të rriten vet vajzat, pastaj të krijojnë familje. Mosha e re, 25 deri në 39-vjeç, është më e përshtatshmja për të qenë nënë”, tha Mirela Rista, gjinekologe.
Nëse më parë femrat bëheshin nëna në të 20-at, sot kushtet kanë ndryshuar./gazetametro.net
