Kryeministri i Kosovës, Ramush Haradinaj përsëri ka komentuar deklaratën e presidentit të Serbisë Vuçiq i cili ka mohuar masakrën e Reçakut.
Vuçiq në një deklaratë të tijën është shprehur se masakra e Reçakut është e fabrikuar nga William Walker, shkruan lajmi.net
Ndërsa Haradinaj është shprehur se kjo zbulon realitetin e rrezikshëm të nacionalizmit serb.
Ai gjithashtu ka shtuar se nuk mund të ketë pajtim në mes dy vendeve pa e pranuar të vërtetën e së kaluarës.
“Mohimi i masakrës së Reçakut nga presidenti Vuçiq zbulon realitetin e rrezikshëm të nacionalizmit serb. Nuk mund të ketë pajtim pa e pranuar të vërtetën e së kaluarës”, ka shkruar Haradinaj.
Gjithashtu vlen të theksohet fakti se Haradinaj ende nuk ka bërë asnjë hap drejt pezullimit të taksës 100 për qind për produktet e Serbisë.
