Qeveria e Kosovës dhe ajo e Gjermanisë kanë nëshkruar marrëveshjën implementuese për Fazën e katër të Projektit për Qeverisjen e Mirë Financiare, vlera e së cilës arrinë në 2 milionë euro.
Marrëveshja u nënshkrua nga Ministri i Financave, Bedri Hamza, dhe Ambasadori i Republikës Federale të Gjermanisë në Kosovë, Christian Heldt.
Ministri i Financave, Bedri Hamza tha se Gjermania po vazhdon të ndihmojë shtetin e Kosovës me taksat e saj.
Hamza tha se sot nënshkruan një marrëveshje për fazën e katërt të qeverisjes së mirë vlera e të cilës është 2 milionë euro.
Kjo marrëveshje e bërë 10 vite më parë ka dhënë rezultate të mëdha sa i takon rritjes së llogaridhënies dhe transparencës.
Ambasadori i Gjermanisë në Kosovë, Christian Held tha se fazat e më hershme të kësaj marrëveshje e kanë rritur llogaridhënien e ekzekutivit.
Ai tha se përmes kësaj faze do të vijnë instrumente të tjera që edhe tutje do të kontribuojnë në rritjen e llogaridhënies së ekzekutivit dhe transparencës së parlamentit.
Ambasadori gjerman tha se duhet të punohet më shumë në ATK që të rritet besimi i tatimpaguesve.
