Së paku tri vetura janë përfshirë në një aksident trafiku që ka ndodhur në pasditen e së shtunës, në aksin rrugor që lidh Prishtinën me Dukagjinin.
Një lexues i portalit Koha.net ka dërguar pamjet në adresë të redaksisë, ku në Komoran të Drenasit, shihen tri veturat e përplasura.
Njëra prej tyre shihet e rrokullisur në anën e djathtë të rrugës.
Koha.net ka pyetur zyrtarët për informim në Policinë e Kosovës për detaje shtesë rreth pasojave të këtij aksidenti, dhe është në pritje të përgjigjes.
