Punëtorët e Aeroportit Ndërkombëtar ‘Adem Jashari’ në Prishtinë edhe gjatë ditës së sotme pritet që të mbajnë grevë.
Greva e punëtorëve të Sindikatës së Pavarur të Punëtorëve në Aeroportin Ndërkombëtar të Prishtinës “ Adem Jashari” sot do të zgjas gjashtë orë.
Ajo do të nisë në ora 08:00 dhe do të përfundojë në ora 14:00.
Kujtojmë se edhe gjatë dy ditëve të mëparshme, punëtorët e sindikatës kanë mbajtur një grevë, ku janë shkaktuar vonesa dhe tollovi në Aeroportin Ndërkombëtar të Prishtinës, duke bërë që shumë fluturime të shtyhen.
