Moderatori i njohur Adi Krasta ka reaguar ndaj situatës së agravuar në Astir, ku banorët e zonës u përleshën mëngjesin e sotëm me forcat policore.
Teksa citon gazetarin legjendar Bill Moyers përmes një postimi në rrjetin social “Twitter”, Krasta ka theksuar se vendi po merr fund për shkak të gënjeshtarëve dhe diletantëve të fuqishëm.
“Shoqëria dhe demokracia mund të vdesë nga gënjeshtrat e shumta dhe ne po afrohemi me atë moment”– citon moderatori, duke shtuar: Ne po e themi këtë duke bërtitur dhe duket se shumë pak njerëzve publikë po u intereson kjo situatë. Shqipëria po merr fund për shkak të gënjeshtarëve dhe diletantëve të fuqishëm.
