Kryetari i Drenasit, Ramiz Lladrovci, sot do të paraqitet pranë Gjykatës Speciale.
Ditë më parë ai ishte ftuar në Hagë në cilësinë e dëshmitarit.
Vet Lladrovci kishte thënë se dëshminë e tij do ta japë më 19 nëntor.
“Kurrë në jetë, as kam pasur hamendje as kam dilemë për drejtësinë e luftës tonë çlirimtare, rrugën e ndjekur deri në çlirim dhe për pastërtinë e saj shembullore. Përjetësisht krenar me Ushtrinë Çlirimtare të Kosovës”, kishte deklaruar Lladrovci.
