Ish-ministrja e Jashtme e Greqisë, Dora Bakojani, ka kërkuar nga qeveria e saj veprime konkrete për mbylljen e çështjejes së kufirit detar me vendi tonë.
Ajo shprehet se vendimi i Francës për të bllokuar perspektivën e pranimit evropian të Shqipërisë dhe Maqedonisë për momentin i jep Greqisë një mundësi shtesë për marrëdhëniet e saj me Shqipërin.
Sipas Bokajanit, Greqia duhet t’i dërgojë një mesazh të qartë vendit tonë dhe se Athina duhet të zgjerojë kufirin e saj detar me 12 milje.
‘Greqia duhet të shfrytëzojë mundësitë që paraqiten aktualisht dhe të përpiqet të përfundojë marrëveshjet e demarkacionit të zonës ekskluzive ekonomike detare me Shqipërinë, Egjiptin dhe Italinë.
Vendimi i Francës për të bllokuar perspektivën e pranimit evropian të Shqipërisë dhe Maqedonisë për momentin i jep Greqisë një mundësi shtesë për marrëdhëniet e saj me Shqipërinë. Mendoj se me Shqipërinë mund të jepet një mesazh i qartë, politika jone tregon dobësi në këto momente. Duhet të bëhen veprime konkrete, 12 milje me Shqipërinë, 12 milje tani. Koha nuk është në avantazhin tonë’, ka deklaruar Bokajani.
