Presidenti serb Aleksandar Vuçiq do t’i adresohet publikut sot në orën 11:00 me rastin e vizitës së tij të sapo përfunduar në Shtetet e Bashkuara të Amerikës.
“Vuçiq do të flasë gjithashtu për krizën e migrantëve dhe thirrjet e shpeshta për rrëzimin e rendit kushtetues të Serbisë”, tha zyra e presidentit serb për mediat, raporton Tanjug.
Në Uashington Vuçiq është takuar edhe me homologun e tij kosovar, Hashim Thaçi.
Takimi është mbajtur me ftesë të emisarit special për dialogun ndërmjet Kosovës dhe Serbisë, Richard Grenell, ku i pranishëm ishte edhe Këshilltari për Siguri Kombëtare, Robert O’Brien.
