Prokurori i shtetit sot do të jetë në përcjellje të zgjedhjeve në komunën e Drenasit
Prokurori i Shtetit, Aleksandër Lumezi ka angazhuar ekipin e prokurorëve të mjaftueshëm në komunën e Drenasit dhe në Prishtinë, së bashku me stafin mbështetës të udhëhequr nga Koordinatorja Nacionale për zgjedhje, Laura Pula, të cilët janë duke përcjellë të gjithë procesin zgjedhor për komunën e Drenasit.
Prokurori i Shtetit së bashku me Policinë e Kosovës, janë të angazhuar për mbarëvajtjen e gjithë procesit zgjedhor.
Po ashtu, Prokurori i shtetit njofton të gjithë opinionin se do të reagojë në të gjitha rastet e incidenteve gjatë procesit zgjedhor dhe pas zgjedhjeve, për çdo raportim apo keqpërdorim të votës.
Në njoftim po ashtu bëhet e ditur se do të merren masa konkrete në rastet e dezinformimit apo informimit të rrejshëm përmes portaleve dhe rrjeteve sociale.
”Varësisht prej situatës se si rrjedhë procesi zgjedhor në këtë komunë, Prokurori i shtetit, do të njoftojë të gjithë opinionin me kohë përmes komunikatave apo edhe përmes konferencave për media”, bëhet e ditur në njoftimin e këshillit prokurorial të Kosovës./21Media
