Twitter njoftoi të martën se do të lejojë disa punonjës të punojnë nga distanca përherë, pasi shpërthimi i koronavirusit i detyroi kompanitë të bëjnë ndryshime të pashembullta në zyra në të gjithë globin.
Kompania e rrjetit social tha të martën se është firma e parë e gjigante teknologjike që lejon punonjësit të punojnë nga shtëpia përherë, edhe pasi të përfundojnë masat kundër koronavirusit.
Drejtori i Përgjithshëm Jack Dorsey u dërgoi mesazhe punonjësve të martën duke thënë se kur zyrat hapin përfundimisht, menaxhmenti u lejon atyre të punojnë nga distanca edhe pas situatës pandemike.
‘Ne kemi qenë të zhytur në mendime t’i qasemi kësaj situate. Ne ishim një nga kompanitë e para që kaluam në modelin e punës nga shtëpia. Do të vazhdojmë të jemi dhe do të vazhdojmë ta vendosim sigurinë e njerëzve përpara gjërave të tjera”, tha një zëdhënës i Twitter.
“Hapja e zyrave do të jetë vendimi ynë. Se kur do të kthehen punëtorët në zyre, është vendim i tyre”, shtoi tutje zëdhënësi.
Në muajin mars, shefi i burimeve njerëzore në Twitter, Jennifer Christie, tha që ndërmarrja ‘kurrë nuk do të jetë e njëjta’ në kulturën e saj të punës pas pandemisë.
