Dhjetëra arkitektë e profesorët më të njohur në Itali kanë reaguar ashpër për shembjen e Teatrit Kombëtar në Tiranë.
Ata e kanë cilësuar se veprim barbar dhe e kanë krahasuar këtë veprim me shkatërrimin e kishave dhe xhamijave në kohën e diktaturës.
Sipas tyre, Teatri Kombëtar në Shqipëri ishte i përsosur nga ana arkitekturore.
Pjesë nga artikulli italian:
Një grup arkitektësh dhe profesorë nga Universiteti i La Sapienza në Romë, Marco Petreschi, Nilda Valentin dhe Antonino Saggio dhe nga Universiteti i Barit, Profesor Anna Bruna Menghini, të gjithë njohës të thellë të arkitekturës shqiptare dhe me përvojë në mësimëdhien në universitetet e Shqipërisë, janë ata që kanë reaguar.
Këta profesorë e arkitektë kanë nënshkruar edhe një dokument shumë kritik:
“100 vjetori i Tiranës kryeqytet mund të ishte festuar në një mënyrë shumë më të denjë. Kjo prishje – shkruajnë ata – shkon prapa në kohë, kur kishat dhe xhamitë u shkatërruan me dhunën politike të një regjimi diktatorial, duke kundërshtuar ashpër çdo përpjekje për kundërshtim. Çfarë ndryshimi ka sot ai veprim me demokracinë shqiptare, e cila vepron me të njëjtat metoda duke shembur Teatrin Kombëtar të Shqipërisë?
Kjo ishte një punë e njohur botërisht, e përsosmërisë arkitektonike italiane, e admiruar dhe botuar në shumë libra shkencorë dhe revista shkencore, si një nga shembujt e parë në Evropë të parafabrikateve të bëra në Milano dhe të montuar, me patentë ekskluzive, në 1938 në Tiranë në asnjë kohë.
Çfarë ndryshimi ka me regjimin e shekullit të kaluar kur edhe intelektualët që kanë kundërshtuar këtë masakër përfundojnë duke u zhvlerësuar dhe denigruar?’.
Marrë me shkurtime nga ilfattoquotidiano.it
© SYRI.net
