Qeveria në detyrë ka mbajtur dje (31 maj, 2020) një mbledhje ku kanë marrë vendime për lehtësimin e mëtutjeshëm të masave për parandalimin e Covid-19.
Një ndër vendimet e shumta që janë ndërmarrë dje ka qenë edhe hapja e kufijve tokësorë.
Gazetarja e Klan Kosovës, Qendresa Sinani ka vizituar pikën kufitare me Maqedoninë e Veriut, e cila ende nuk është hapur nga ana e maqedonasve për shkak të gjendjes së jashtëzakonshme e cila pritet të zgjatë deri më 14 qershor.
“Pala maqedonase nuk i ka hapur kufijtë – atje ka gjendje të jashtëzakonshme deri më 14 qershor”.
“Ne kontaktuam me policët këtu të cilët thënë se ata që dëshirojnë të shkojnë në Maqedoninë e Veriut nuk mund ta bëjnë atë pa pasur leje të veçantë”.
