Kryetari i Budvës, Marko Carevic dhe kryetari i Asamblesë Komunale (MA) i Budvës, Krsto Radovic, janë arrestuar sot në mëngjes para ndërtesës komunale.
Në aksionin e Policisë Speciale në Mal të Zi janë arrestuar edhe menaxheri i Komunës së Budvës, Milo Boçovic, sekretari për investime, Mladen Mikijel, Nikolla Jovanovic, kreu i kabinetit të Carevic, si edhe Djordje Vujovic dhe këshilltari i Carevic.
Në pamjet e publikuara shihet se si Carevic është nxjerrë dhùnshëm nga Komuna ndërsa për arrestimin e zyrtarëve të tjerë ka pasur edhe rezistencë, për këtë arsye është nevojitur edhe përdorimi i sprajit lotsjellës.
Nuk dihet ende arsyeja e arrestimit e tyre, por dyshimet e para janë se ata janë të përfshira në afera korruptive, gjatë ushtrimit të mandatit. /abcnews.al/
