Policia arrestoi ditën e sotme një të shumëkërkuar, i cili akuzohet për veprat penale të përdhunimit të disa të moshuarave dhe grabitjen e banesave të tyre, ngjarje këto të ndodhura në fshatin Palasë të Vlorës.
Siç shikohet edhe nga pamjet e siguruara nga Syri Tv, i riu është shoqëruar në polici me forca të shumta policie dhe me qese të zezë në kokë.
Prej ditësh i riu grabiste banesat në Palasë, por policia ende nuk kishte rënë në gjurmët e tij teksa sot ka rënë në prangat e bluve.
Policia prej kohësh kishte nisur kërkimet intensive për kapjen e tij, teksa sot u arrestua dhe shoqërua në ambjentet e komisariatit të Himarës.
Deri në tani nuk ka pasur një reagim zyrtar nga ana e bluve teksa mbetet ende e pakonfirmuar mosha dhe emri i tij.
