Qindra emigrantë nga Afrika, Azia dhe Lindja e Mesme prisnin në të ftohtë të martën për t’u marrë me autobusë nga një kamp i djegur që do të çmontohej në Bosnjë por nuk kishin asnjë ide se ku duhet të shkonin.
Zjarri shkatërroi kampin në Lipa që strehonte rreth 1,200 njerëz javën e kaluar. Zyrtarët e policisë dhe të OKB kanë thënë që zjarri ka filluar ndoshta nga emigrantë të pakënaqur për mbylljen e përkohshme të kampit, i planifikuar për të njëjtën ditë.
Të martën, media citoi Ministrin e Sigurisë të Bosnjës, Selmo Cikotic, të thoshte se emigrantët do të zhvendoseshin në një kazermë ushtarake në qytetin Bradina, 320 km larg. Ministri i Financave Vjekoslav Bevanda e kundërshtoi atë, duke thënë se nuk kishte pasur ndonjë marrëveshje.
Rreth 10,000 emigrantë kanë mbetur të ngecur në Bosnjë, me shpresën që të arrijnë në vendet më të pasura në Bashkimin Evropian.
Kampi Lipa, i cili u hap pranverën e kaluar si një strehë e përkohshme për muajt e verës 25 km larg nga Bihac, do të mbyllej të mërkurën për t’u rikonstruar për dimër.
