Regjistrimi i popullsisë në Maqedoninë e Veriut i planifikuar për në prill të këtij viti do të ketë një grafë për përkatësinë kombëtare dhe fetare.
Kjo u theksua nga Ministri i Drejtësisë, Bojan Mariçiq.
“Do të ketë një grafë për përkatësinë kombëtare dhe fetare në regjistrimin në prill. Unë pres që tani, Peshkopi Petar, për të mirën e shtetit, të thërrasë besimtarët që të mbështesin masivisht regjistrimin”, shkroi Ministri Maricic në llogarinë e tij në Twitter.
Ministri i Drejtësisë e shkruajti këtë si një reagim të Peshkopit Petar i cili tha se nëse nuk ka grafë për përkatësi fetare në listat e regjistrimit, ata do t’i bëjnë thirrje njerëzve për bojkot.
